Matignon II : le désenchantement
(A redazzioni d'Alta Frequenza) - Dopu à calchì ghjornu di riflessioni, Femu a Corsica hè vultatu nant'à u scontru in Parighji di a settimana scorsa trà l'eletti di a Corsica, Marylise Lebranchu è Manuel Valls. U muvimentu puliticu hà rilevatu cù cuntintezza u novu mumentu di dialogu chì s'apra, pighjendu in contu di fattu una vulintà più cà chjara di l'assemblea di Corsica. Eppuru Femu a Corsica rigretta chì a dimensioni di ssu dialogu ùn pighjessi micca a listessa forma da un cantu di u mari cà da l'altru. Par asempiu, u calendariu di i riunioni, 2014, 2015 è 2016 ùn cunveni mancu appena à u muvimentu autunumistu parchì rimanda à una data assai assai luntana l'uppurtunità di un cambiamentu pussibuli di a Custituzioni. Femu a Corsica rigretta dinò chì ssa riunioni in Parighji sighi stata suvitata da un'attualità piuttostu pulizzera custatata arimani (luni).
Steti à senta à Gilles Simeoni.
