Meeting de la coordination politique à Ajaccio: l'Exécutif de Corse représenté par Pierre Ghionga
(A redazzioni d'Alta Frequenza) - C'era assai mondu vennari in u Palazzu di i Cungressi d'Aiacciu pà u meeting di a cuurdinazioni in carica di difenda i deliberazioni di l'assemblea di Corsica. Una dumanda d'amnistia di i prighjuneri pulitichi corsi ! A dumanda hè stata lanciata calchì sittimana fà da Jean Charles Orsucci è l'idea crisciaria bè. Aldilà di i rispunsevuli pulitichi di tutti i muvimenti naziunalisti, una prisenza nurmali, s'hè rimarcata a ghjunta di parsunalità pulitichi o di a sucità civili. U casu di Petru Paoli hè statu amintatu à a tribuna da tutti l'intarvinanti, chì ani arricatu un sustegnu forti à ssu membru di l'esecutivu di Corsica Libera. Petru Ghionga raprisintava di manera ufficiali l'Esecutivu di Corsica, è dunqua Paul Giacobbi. U presidenti di l'Uffiziu di l'Ambienti hè vultatu annant'à un prughjettu glubali pà a Corsica, com'ellu hè statu difinitu da l'assemblea di Corsica, è di sicuru ch'ella si poni a dumanda di un'amnistia generali.
Steti à senta à Petru Ghionga.
Sur le même sujet
