Michel Barat : "Monsieur Chevènement est très très vieux"
(A redazzioni d'Alta Frequenza) - Dopu à i detti di Jean-Pierre Chevènement, nant'à a Corsica è di a pussibuli "prupaganda" chì tocca a sucità isulana, è mentri chì l'accademia di Corsica hè stata incausata di modu chjaru, u rettori hà riagitu à u nostru microfonu. Ghjudichendu i parolli di "ghjuventù lacata à u sbandonnu" è "adduttrinata" inde l'indipendentisimu, sicuramenti "stupidi" ma quantunqua periculosi, Michel Barat hà stimatu chì ciò ch'ellu hà dittu l'anzianu ministru era di un'antra epica, è assai fora di ghjocu cù qualsiasi idea di demucrazia. "Monsieur Chevènement hè assai assai vechju", hà finitu Michel Barat, chì hà rammintatu d'altrondi l'episodiu di u "rettori Talamoni".
Explications de Michel Barat.
Sur le même sujet
