Michel Rocard s'en est allé
(A redazzioni d'Alta Frequenza) - Hè una figura maiò di a pulitica francesi chì si n'hè andata ssu sabbatu. Michel Rocard, Prima ministru di François Mitterrand da maghju di u 1988 à maghju di u 1991 hè mortu à 85 anni. Ss'omu di manca cunvintu, appartinendu à ciò chì si chjamava a manca refurmista, hà avutu rilazioni particulari è privileghjati cù a Corsica; avia prupostu par asempiu, à fiancu à Pierre Joxe, a ricunniscenza di u populu corsu. U presidenti di l'Esecutivu Gilles Simeoni hà vulsutu renda umaghju ssu sabbatu à sera nant'à u so contu Twitter à "un umanistu cunvintu, un omu di Statu è un amicu sinceru di a Corsica è di u so populu".
Sur le même sujet
