Millener, un pas vers l'autonomie énergétique de la Corse?
(A redazzioni d'Alta Frequenza) - Pruducia è tena a so elettricità, cunsumendu la dopu di manera eculogica, eccu comu si pudaria riassuma u dispusitivu missu in ballu ind’u quadru di u prughjettu Millener, Milli Stallazioni di gistioni energetica inde l'isuli, cù una nova tappa chì hè stata prisintata ind'i lucali d'EDF Corsica calchì ghjornu fà. Sustinutu da a Cullettività Tarrituriali di Corsica, l'Unioni Aurupea è l'ADEME, ssu prughjettu hè missu in ballu in dui altri isuli, a Riunioni è a Guadaluppa. Novu è sperimentali, ss’ultimu s'hè materializatu prima da a stallazioni calchì mesi fà di Box in 300 casi corsi. À partasi d'oghji, quissu quì principia a scelta di i 100 casi chì si scrivini ind’a tappa nova di u prughjettu. I parsoni chì ani fattu ssa scelta avarani investitu ind'a stallazioni di panelli fotovoltaichi, prima d'uttenna un'antra stallazioni, quì di gratisi, di battarii pà allucà l'energia. A Cullettività Tarrituriali di Corsica hà investitu nentru à ssu prughjettu trè millioni d’auri, cù l’Unioni Aurupea; Millener voli essa liatu di modu strettu à a scrizzioni di a Corsica ind’a strategia d’autunumia energetica da quì à u 2040 vulsuta da a CTC. Una bona manera d’appruntà ci subbitu, com’è a ci dici Alex Milano, direttori dilegatu à l’Energia à a Cullettività Tarrituriali di Corsica.
Steti à senta à Alex Milano.
Sur le même sujet
