Mission universitaire de réflexion stratégique sur l'avenir de la Corse : l'essentiel pan économique
(A redazzioni d'Alta Frequenza) - A missioni universitaria di riflessioni strategica nant’à l’avvena di a Corsica, chì publicheghja un raportu scrittu d’aprili di u 2011 pà u presidenti di a Republica è quillu di u cunsighju esecutivu, hà prisintatu issu luni a lettara aparta chì accumpagnarà u raportu duranti u so inviu à un insemi di puliticanti corsi è cuntinintali. È in cunclusioni di quissa quì, una dumanda pricisa hè posta à i parlementarii corsi, à i presidenti di l’esecutivu è di l’Assemblea di Corsica è à i presidenti di gruppi pulitichi di quissa quì, senza sminticà à Pierre Chaubon. « Vuleti scriva a ricunniscenza di a singularità di a Corsica è di l’intaressi singulari di u so populu ind’a custituzioni francesi » ? A missioni ci vedi a pussibilità di rifundà u postu di a Corsica di pettu à u Statu. Dopu avè trattatu i cunclusioni ghjinirali di u raportu di a missioni universitaria è i missaghji ver di l'eletti, femi un ghjiru ditaghju nant'à u latu ecunomicu di u raportu universitariu, chì và à prò di un cambiamentu d'ecunumia pà andà in priurità ver di a pruduzzioni, mentri chì oghji a balancia cumirciali tocca appena troppu da u cantu di l'impurtazioni.
Écoutez Jean-Baptiste Calendini, l'un des rédacteurs de ce rapport.
Sur le même sujet
