Mobilisation à Ajaccio contre le congrès du FN
(A redazzioni d'Alta Frequenza) - Cungressu di l'eletti aurupei di u FN in Corsica : a mubilisazioni s'hè urganizata ssu marti à l'aeruportu d'Aiacciu pà manifistà una scuntintezza cù ssa ghjunta nant'à l'isula di ssa riunioni di u gruppu ENL, Auropa di i Nazioni è di i Libertà, à u Parlamentu aurupeu. L'avviò chì traspurtava l'eletti è i so cullaburatori parlementarii, chì duvia atterrà à 11 ori hà toccu u catramu infini à meziornu menu un quartu. Un cumitatu d'accolta di guasgi 200 parsoni aspittava l'eletti pà falli cunnoscia u so ricusu di vedali ghjunghja in Corsica, cù com'è slogans "I Fascisti Fora" et "I Razzisti Fora". I manifistanti si sò dopu missi à pusà par impidiscia i bus di i raprisintanti di u Front National di parta da Campu di l'Oru. Sò stati ubligati à truvà un'antra suluzioni pà sorta da l'aeruportu, postu chì a strada principali hè stata bluccata da un arburu à u minimu è caddies. Ci vultaremi di manera più larga ind'i nostri nutiziali chì venini.
