Mobilisation contre la politique d'austérité du gouvernement mardi prochain
(A redazzioni d'Alta Frequenza) - Ci sarà assai mondu marti in carrughju d’Aiacciu, in tutti i casi u dopu meziornu, duranti a tradiziunali prucissioni di a Madonnuccia, un evenimentu sempri suvitatu assai à a vigilia di l’alizzioni. Ci duvaria essa menu mondu a mani à l’uccasioni di l’adunita davanti a prifittura urganizata da i sindicati CGT, FO è FSU. Quissi quì, chì tiniani stamani (vennari) una cunfarenza di stampa, ani rigrittatu cun amarezza l’assenza di a CFDT è di u STC. Eppuru, credini cù forza chì ci voli à mubilizà si à tutti i patti u 18 di marzu pà a ghjurnata naziunali di cuntistazioni contr’à l’austerità. Ssi sindicati ùn volini micca, hè ciò ch’elli ani dittu, infrugnà si ind’a campagna eletturali ; eppuru, pensani chì ci voli à fà senta à u guvernu u so disaccordu pà ciò chì tocca a pulitica missa in ballu in ssu mumentu.
Steti à senta à Jean Michel Biondi, pà i sindicati.
Sur le même sujet
