Mobilisation du STC à l'hôpital de Castellucciu
(A redazzioni d'Alta Frequenza) - Mubilisazioni arimani (marcuri) di u STC à l'uspidali di Castellucciu in Aiacciu. U sindicatu hè statu ricivutu duranti una bella parti di a ghjurnata à l'Agenza Righjunali di a Saluta, pà fà cunnoscia i so inchietudini è i so rivindicazioni. Quissi quì erani, bella sicura, nant'à l'avvena di ss'arnesi di saluta è nant'à i mezi missi in opara da u Statu pà tena un'ufferta di curi è cundizioni di travaghji degni. U sindicatu vulia sapè ni di più dinò nant'à a spartera di i mezi finanziarii à u nivellu righjunali ind'i sfarenti stabulimenti di l'isula.
