Morosaglia : les parents d'élèves disent NON à la fermeture de l'école
(A redazzioni d'Alta Frequenza) - Parsoni assai numarosi si sò accolti ssu luni da mani pà dumandà u mantenimentu di a scola di Merusaglia. I manifistanti ani distribuitu nant'à a strada, à u nivellu di u ghjiratoghju di u Ponte à a Leccia, fuglietti è prupostu di signà una petizioni. Ssa scola unica, cù setti elevi di sfarenti età par avà, hè minacciata in fatti da i servizi accademichi di Corsica Suprana, chì pensani à sarrà ssu stabilimentu fundatu in u 1833, in u paesi chì hà vistu nascia à Pasquale Paoli. I parenti d'elevi sò stati sustinuti da u merri di Merusaglia, ma dinò da l'Esecutivu di Corsica, u Cunsighju Dipartimintali di Corsica Suprana è a Cumunità di Cumuni di u Golu. Ci sarani discussioni duranti a sittimana cù i servizi di u Statu pà pruvà à truvà una suluzioni.
Steti à senta à Leria Battesti, portavoci di i parenti d'elevi di a scola di Merusaglia.
