Mouvement de grève interprofessionnel ce jeudi en Corse comme ailleurs
(A redazzioni d'Alta Frequenza) - Un muvimentu di greva interprufiziunali tocca appena tutti i settori d'attività ssu ghjovi à u nivellu naziunali, a funzioni publica in particulari. Una mubilisazioni vulsuta da a CGT, Fo è a FSU. Settori publicu è privatu, ritirati, pinsioni, minimi suciali custituiscini pà ssi cintrali sindicali priurità pà ssi tempi di crisa. Sindicati chì cundannani sempri u pattu di rispunsabilità, a severità bughjettaria è torna di più a riforma tarrituriali. U prughjettu di legi Macron ùn hè micca bè vistu da ssi trè sindicati è a volini dì forti. Manifistazioni sò stati urganizati stamani in Aiacciu è in Bastia, à a chjama di a CGT, FO è FSU dunqua, è u sindicatu Solidaires hà raghjuntu a dimarchja dinò. Di l'austerità, ùn ni vulemi micca, eccu ciò ch'ellu hà dittu Jean Michel Biondi pà l'intersindicali.
Steti à senta à Jean Michel Biondi.
