Municipale d'Ajaccio : de la cohérence pour Corsica Libera
(A redazzioni d'Alta Frequenza) - Cuerenza, solu cuerenza ! Eccu a pusizioni è l'analisi di Corsica Libera dopu à l'alizzioni municipali d'Aiacciu. Ramintemi chì u muvimentu puliticu avia dicisu di raghjunghja a lista di Simon Renucci è un accordu era bè statu trovu nanzi à u prima ghjiru. A seguita di l'evenimenti, tuttu u mondu a cunnosci : Aiacciu Cità Corsa hà cuntinuatu a dimarchja intrapresa rispittendu ss'accordu mentri chì l'altra furmazioni pulitica naziunalista hà piuttostu vulsutu, par via di u risultatu micca troppu impurtanti di a lista Renucci, sorta da a schema privistu. Vistu chì François Casasoprana hà dicisu dinò ellu di parta da u so cantu, u risultatu hè statu quillu ch'è no emi custatatu dumenica à sera. Aldilà di ss'alizzioni propiu aiaccina, Corsica Libera pensa chì ss'affari rispechja una situazioni pulitica chì vali pà l'isula sana è ch'ellu pudaria avè un pesu forti annant'à l'alizzioni tarrituriali chì venini.
Steti à senta à Ghjuvan Guidu Talamoni.
Sur le même sujet
