Municipale d'Ajaccio : la liste commune Simon Renucci-Aiacciu Cità Corsa déposée
(A redazzioni d'Alta Frequenza) - Alea jacta est ! Aviami adupratu ssa formula arimani (luni) à l'uccasioni di a presa di pusizioni di François Casasoprana cuncirnendu u sicondu ghjiru di l'alizzioni municipali d'Aiacciu. Ripighjemi a listessa formula parchì oghji, è dipoi 6 ori di sera, l'affari hè fattu. In fatti, Simon Renucci, accumpagnatu da Maria Giudicelli, Josepha Giacometti è Paul Leonetti ani prisintatu in prifittura di Corsica a lista ch'elli ani da difenda in cumunu pà u sicondu ghjiru di ssa municipali. Dui partinarii solu dunqua pà una lista induva ci ni duvia essa forsa à principiu quattru, ma appena com'è à u mesi di marzu scorsu, i cosi ùn si sò micca passati com'è tuttu ognunu l'avia privisti. Simon Renucci purtarà dunqua ssa lista à dui, accumpagnatu da Maria Giudicelli, Josepha Giacometti, a cunsighjera tarrituriali Corsica Libera sarà quattriesima è Paul Leonetti, leader di a lista Aiacciu Cità Corsa, sarà 7imu.
Steti à senta à Simon Renucci à u mumentu di u sbuccà di una situazioni cumplessa.
Sur le même sujet
