Municipale d'Ajaccio : salle comble pour le meeting de François Casasoprana
(A redazzioni d'Alta Frequenza) - I meetings di fin di campagna eletturali si multiplicheghjani pà ss'ultima sittimana nanzi à u prima ghjiru di l'alizzioni municipali d'Aiacciu, sarà dumenica chì veni. Dispunibilità di i strutturi d'accolta o vera scelta strategica, certi, com'è Simon Renucci è Femu Aiacciu-Femu a Corsica ani dighjà cunsacratu à a tradizioni a sittimana scorsa. Altri, com'è a lista Aiacciu Cità Corsa è Laurent Marcangeli l'urganizarani dumani è ghjovi mentri chì Ajaccio Bleu Marine hà rinunciatu à què. François Casasoprana hà riisciutu a scumessa arisera d'empia tuttu u Spaziu Diamanti è davanti u so publicu, cù l'aiutu di i so cumpagni di lista, hà prisintatu i 105 pruposti chì ani custruitu l'argumentazioni di tutta a so campagna eletturali.
Steti à senta à François Casasoprana, u leader di "Ajaccio C'est Vous".
