Municipales 2014 à Bastia : Emmanuelle de Gentili conduira la liste du Parti Socialiste
(A redazzioni d'Alta Frequenza) - Ssu luni, l'unioni di a manca in Bastia pà i municipali chì venini hè schjattata. Dighjà indebbulita da a dissidenza di François Tatti, hè stata sfraiata in tutti i casi pà u primu ghjiru da l'annunziu d'Emmanuelle de Gentili chì purtarà una lista di u Partitu Sucialistu. Hè dunqua una manca indebbulita chì s'hà da prisintà à l'alizzioni di u 23 di marzu. È s'è da u cantu di a cunsighjera esecutiva com'è da quillu di François Tatti, si pensa chì u primu ghjiru sarà a vera primaria di manca chì certi vuliani, pà Jean Zuccarelli, chì teni a so unioni cù u Partitu Cumunistu, si faci a critica di a dicisioni d'Emmanuelle de Gentili, chì sicondu u candidatu PRG purtaria una divisioni di a manca. È ancu s'è i ponti ùn sò micca tagliati veramenti trà Jean Zuccarelli è Emmanuelle de Gentili, i fiacchini trà i dui parti sò bè prisenti. A candidata PS chì hà riflittutu a so dicisioni, com'è a dimostra a prisenza di certi punti di prugrammu dighjà bè difiniti.
Stemi à senta à Emmanuelle de Gentili, chì rispondi dinò à certi rumori nant'à un bisbigliu pussibuli inghjiru à a presidenza di a Cumunità d'Agglumerazioni di Bastia.
