Municipales 2014 à Bastia : Eric Simoni a présenté sa politique d'emploi
(A redazzioni d'Alta Frequenza) - A campagna pà i municipali di u 2014 cuntinueghja ancu duranti i festi in Bastia. Stavolta, hè a lista Un'Alba Nova per Bastia, purtata da Eric Simoni, chì hà prisintatu a parti di u so prughjettu nant'à l'impiecu in Bastia. U candidatu Corsica Libera, fidu à una di i rivindicazioni maestri di u partitu, t'hà com'è ambizioni di cursizà l'impiechi grazia à meccanisimi chì asistini dighjà parmittendu di batta à prò di l'impiecu lucali, ancu pà posti ad'alta rispunsabilità, lachendu à tempu a porta aparta à candidati fora di Corsica pà impiechi chì ùn pudariani micca essa trovi à u nivellu lucali di pettu à a dumanda. In ssu quadru quì, un partenariatu cù l'Università di Corsica faci parti di u prughjettu, pà apprufittà par asempiu di i risorzi di furmazioni di i redattori è parsunali tarrituriali specifichi è di a scola priparatoria di l'IRA. Dinò ind'u campu d'azzioni di i legi liati à a funzioni publica, spirendu evuluzioni in furia à tempu, Eric Simoni voli favurizà a prumuzioni interna grazia à a furmazioni, critichendu dinò a maghjurità attuali di manca è u so ascinsori suciali chì ùn viaghja micca à parè soiu. Infini, quissu quì voli incuragiscia a crizioni d'impiechi d'innuvazioni.
Steti à senta à Eric Simoni.
Sur le même sujet
