Municipales 2014 à Bastia : Eric Simoni s'affirme contre le port de la Carbonite
(A redazzioni d'Alta Frequenza) - Arimani (dumenica), Eric Simoni, candidatu Corsica Libera à i municipali di marzu in Bastia, hà fattu cunnoscia torna a so pusizioni contr'à u portu di a Carbonite. U numaru unu di a lista Un'Alba Nova per Bastia, chì hè par avà u solu candidatu ad avè dittu di manera chjara a so uppusizioni tutali à ssu prughjettu, si prisenta com'è un votu utuli d'appressu à ellu, parchì a dici cù una forza tremenda, duranti neguziazioni pussibuli à mezu à i dui ghjiri, ùn vultarà micca nant'à u so puntu di vista. Par ellu, u prughjettu attuali d'un novu portu di cumerciu esci da una sumiglia ridicula di demucrazia ed hè carcu à contru verità chì t'ani com'è scopu d'argumentà ssa scelta. Quissu quì hà insistutu par asempiu nant'à u fattu chì à l'arringuerciu di ciò chì hè statu dittu prima, fà a scelta d'ingrandà u portu di cumerciu attuali cù un prughjettu alternativu custaria daveru menu caru cà di custruiscia ni unu novu, parlendu di 300 à 500 millioni d'auri d'ecunumia. Un prughjettu alternativu saria d'appressu à ellu più adattatu à u nivellu ecunomicu è eculogicu.
Steti à senta à Eric Simoni.
Sur le même sujet
