Municipales 2014 à Bastia : Gilles Simeoni officiellement candidat
(A redazzioni d'Alta Frequenza) - Ùn era un sicretu pà nimu, ma hè oramai ufficiali, Gilles Simeoni purtarà bè a lista Inseme per Bastia pà l'alizzioni municipali di u 23 è di u 30 di marzu di u 2014. Un'ufficialisazioni ind'u filu di u so impegnu dipoi u 2008, quandu quissu quì hè intrutu à u cunsighju municipali cù quattru altri eletti Inseme per Bastia. Gilles Simeoni dici di fattu chì u so partitu s'hè rinfurzatu è allargatu dipoi cinqui anni è t'hà oramai raprisintanti di tutti i forzi vivi è di tutti i quartieri di a cità di Bastia. Cunvintu da i so pussibilità di vincia ss'alizzioni, Gilles Simeoni hà vulsutu salutà i so sustegni, ancu s'è ùn si sà par avà s'è quissi quì sarani nant'à a lista, com'è par asempiu l'anziana raprisintanti di l'ordini di l'avucati di Bastia Linda Piperi o u cantadori Maì Pesce. Un'ufficialisazioni di a candidatura chì ùn hè micca stata fatta cù a prisintazioni di un prugrammu, chì hè sempri in traccia d'essa elaburatu, ancu s'è priurità com'è a circulazioni, l'urbanisimu o un cambiamentu glubali di metudi ind'a municipalità sò stati ammintati. A sola rivelazioni di ssu discorsu, Gilles Simeoni s'hè ingaghjatu à suspenda a so carriera d'avucatu s'ellu ghjunghji à i rispunsabilità di merri.
Steti à senta à Gilles Simeoni.
Sur le même sujet
