Municipales 2014 à Bastia : Jean-François Baccarelli critique la gestion de la déchetterie
(A redazzioni d'Alta Frequenza) - A campagna municipali batti forti in Bastia, com'è l'emi pussutu veda dipoi calchì ghjornu, è ùn tocca micca solu i candidati i più in evidenza. Di fattu, Jean François Baccarelli, candidatu eculugistu, s'attacca à u cartulari di u ruminzulaghju di l'Arinella. D'appressu à ellu, l'ori d'apartura, da 9 ori di mani à meziornu, è da 2 ori à 5 ori di sera, ùn sò micca adattati à i spartitempi di l'abitanti chì sò pà a maiò parti in traccia di travaghjà à ssi mumenti quì. Un prublema d'ori chì incuragisci par ellu a calata di u civisimu è inghjenna ruminzulaghji ditti salvatichi vicinu à a piaghja di l'Arinella, soprattuttu chì u ruminzulaghju, gistitu da u SYVADEC, ricusa di pighjà in carica ciò chì s'assumighja à ruvini. L'uccasioni par ellu di criticà a pulitica di a municipalità attuali ind'u duminiu eculogicu, è riagiscia dinò dopu à l'ultimi sundami, dendu li 2% di l'intensioni di votu.
Steti à senta à Jean François Baccarelli.
