Municipales 2014 à Bastia : Jean-Louis Milani présente son projet de circulation et de transports
(A redazzioni d'Alta Frequenza) - Calchì ghjornu fà, Jean Louis Milani, candidatu à i municipali di u 2014 in Bastia sustinutu da l'UMP è l'UDI hà prisintatu u so prughjettu di circulazioni, di staziunamentu è di trasporti. Quissu quì pari propiu ambiziosu, parchì privedi a custruzzioni di dui parkings maiò, unu à a surtita nordu di a cità, l'altru à a surtita meziornu pà 1 200 piazzi in tuttu è un bughjettu trà 24 è 30 millioni d'auri, com'è parkings "relais" da induva partariani trasporti ditti puliti o ancu elettrichi pà lacà l'aghjenti ind'u centru di a cità. L'altru prughjettu bughjettatu è maiò cuncernca a strada farrata, cù a criazioni pà quattru millioni d'auri di una surtita à l'usu di un metrupulitanu di u tunnellu di u caminu di farru à u nivellu di u palazzu di ghjustizia, grazia à u passaghju chì asisti dighjà di a bocca di ventilazioni attuali. Prughjetti di parkings nant'à u viali Paoli o ancu di un picculu tramway nant'à quissu quì sò dighjà stati ammintati di manera menu sicura ind'u quadru di un prughjettu ditagliatu è appruntatu da René Pasquali, anzianu architettu prufissori ind'a scola d'architettura di Luminy in Marseghja.
Steti à senta à Jean Louis Milani, chì hà fattu dinò di l'apartura di i quartieri à mezionu di a cità una di i so priurità.
Sur le même sujet
