Municipales 2014 à Bastia : Jean Zuccarelli a dévoilé son programme
(A redazzioni d'Alta Frequenza) - Ssa dumenica inde l’anziana merria di a piazza di u marcatu in Bastia, Jean Zuccarelli hà prisintatu u so prugramma pà i municipali, accumpagnatu arimani da u presidenti di l’esecutivu Paul Giacobbi, chì hà assicuratu a cumpatibilità è a cuerenza di ssu prugramma cù i prughjetti di a Cullettività Tarrituriali di Corsica. Quissu quì t’hà cinqui assi : u prughjettu di portu in a Carbonite, chjavi di l’avvena ecunomicu di a cità ma dinò di a Corsica pà u candidatu, u sviluppu di i sulidarità, a valurisazioni di a cultura è di u patrimoniu, renda a cità di Bastia più bella è piacevuli pà campà ci, è infini fà di Bastia una cità citadina è intellighjenti. Ssa prisintazioni hè stata dinò l’uccasioni pà u candidatu di fà calchì fiacchina contr’à Gilles Simeoni è François Tatti, pà u prima par via di i so critichi nant’à u rialisimu di u prugramma di u candidatu ufficiali di a municipalità attuali, è pà u sicondu di pettu à a so presa di pusizioni nant’à u ricusu tutali d’unioni à u sicondu ghjiru cun ellu.
Steti à senta à Jean Zuccarelli.
Sur le même sujet
