Municipales 2014 à Bastia : Jean Zuccarelli candidat à l'investiture PRG
(A redazzioni d'Alta Frequenza) - Jean Zuccarelli sarà bè candidatu à a candidatura di u Partitu Radicali di Manca pà i municipali di u 2014 in Bastia. In fatti, u fighjolu di u merri attuali, Emile Zuccarelli, l'hà cunfirmata, una cunfirmazioni chì ùn hè mancu appena una supresa postu chì si sapia chì Emile Zuccarelli avia fattu di u so fighjolu u so successori, a so candidatura mancata à i legislativi di u 2012 l'avendu sottulineata. Oramai, ind'un tempu cortu, forsa da quì à quindici ghjorni, ci sarà una primaria nentru à u PRG duva vutarani o i membri bastiacci, o quilli di tutta a federazioni di Corsica Suprana, ditagliu chì ùn hè ancu cunnisciutu. In fatti, un altru candidatu, dichjaratu dipoi un pezzu, sarà in corsa, François Tatti, chì pinsava ch'ellu duvia essa tempi fà u successori unicu di u merri attuali, ma chì hè statu scartatu da Jean Zuccarelli. Pocu impremi u risultatu finali di a primaria, postu chì hè guasgi sicuru chì Jean Zuccarelli sarà sceltu da u PRG, François Tatti si duvaria prisintà quantunqua.
