Municipales 2014 à Bastia : l'union Tatti - De Gentili engendre de nouvelles tensions à gauche
(A redazzioni d'Alta Frequenza) - A campagna di i municipali di u 2014 in Bastia s'assumighja di più in più à una guerra in ogni parti à manca, dopu à una dumenicata appena scema. Sabbatu, François Tatti è Emmanuelle de Gentili ani annunziatu a so unioni ind'una sola lista, purtata da u primu. À ssu mumentu quì, u candidatu dissidenti di a manca bastiaccia hà fattu cunnoscia un sundami nant'à u primu ghjiru, cumandatu cù i so soldi di a campagna à l'istitutu CSA, chì metti ssu novu duettu à u sicondu postu, à paru cù Gilles Simeoni cù 24%, Jean Zuccarelli essendu in testa cù 30%. È ssa dumenica, Jean Geronimi, u secretariu di a sizzioni Partitu Sucialistu di Bastia, è fendu parti di i trentasei parsunalità di u PS di Corsica Suprana chì ani dicisu di raghjunghja à Jean Zuccarelli, hà avutu a surpresa di custatà chì i sarraturi di u scagnu di a federazioni dipartimintali di u PS erani stati cambiati. Un affari chì pò illustrà di più in più u big bang di a manca bastiaccia, duva i pussibulità di ritruvà si di manera sirena parini divintà guasgi impussibuli, com'è a prubabilità di veda cascà una meteurita à mezu à u viali Paoli.
Sur le même sujet
