Municipales 2014 à Bastia : le point avec Eric Simoni, candidat Corsica Libera
(A redazzioni d'Alta Frequenza) - I municipali di i 23 è 30 di marzu di u 2014 prumettini una bella lotta in Bastia cù dighjà ottu candidati dichjarati di manera ufficiali. À mezu à quissi quì, Eric Simoni, chì raprisintarà Corsica Libera pà a lista “Un'Alba Nova per Bastia”. S'è, com'è pà tutti l'altri candidati, u so prugramma hè in traccia d'essa elaburatu, u candidatu si dici dighjà contr'à u prughjettu di u novu portu di cumerciu ind'a Carbonite, à volta par raghjoni strutturali è eculogichi. À u nivellu di l'insecurità, Eric Simoni faci a leia trà ssu sughjettu è a tematica di u suciali, liati par ellu di manera stretta. È mentri chì, à l'arringuerciu di ciò chì si passa in Aiacciu, dui listi di a famighja naziunalista sarani prisenti à u primu ghjiru inghjiru à a so candidatura è à quilla di Gilles Simeoni pà Inseme per Bastia, una terza lista pudendu parchì micca spuntà, emi dumandatu à u candidatu Corsica Libera ciò chì pò spiecà, d'appressu à ellu, ssi candidaturi à parechji pà u primu ghjiru.
Steti à senta à Eric Simoni.
Sur le même sujet
