Municipales 2014 à Bastia : Sylvain Fanti confiant sur ses chances de second tour
(A redazzioni d'Alta Frequenza) - A campagna di i municipali 2014 in Bastia cuntinueghja cù forza. È mentri chì i favuriti multiplicheghjani i meetings è i riunioni publichi pà prisintà u so prugramma, altri candidati, più mudesti, facini una campagna più discreta. Hè u casu di Sylvain Fanti, candidatu di diritta, chì faci u ghjiru di i carrughji di a cità pà scuntrà a pupulazioni. Quissu quì, chì prisintarà a so lista u 3 di marzu, mittarà par asempiu à u centru di u so prugrammu a quistioni di l’impiecu in Bastia. Sylvain Fanti partarà malgradu tuttu cù u handicap maiò d’essa u candidatu dissidenti di a diritta, u candidatu ufficiali essendu Jean Louis Milani, chì hà ricivutu u sustegnu pocu fà di l’anzianu ministru Xavier Bertrand. Malgradu tuttu, u ghjovanu candidatu voli essa cunfidenti pà ciò chì tocca i so pussibilità d’essa à u sicondu ghjiru, ancu s’è l’ostaculu pari propiu altu.
Steti à senta à Sylvain Fanti.
Sur le même sujet
