Municipales 2014 à Bastia : Sylvain Fanti souhaite donner flashballs et tasers à la police municipale
(A redazzioni d'Alta Frequenza) - Ssu marcuri, Sylvain Fanti, candidatu à diritta à i municipali di u 2014 in Bastia, prisintava u so prughjettu à u nivellu di a securità. Prima, quissu quì hà dittu chì tutti i segni à ssu pianu quì sò pessimi è chì a maghjurità ma dinò l’uppusizioni ùn ani micca un prughjettu chjaru annant’à ssu sughjettu, quissi quì andendu fin’è nigà, d’appressu à ellu, l’insecurità, chì cresci à parè soiu. Pà fà la finita cù ssa dinamica, u candidatu voli dà à a cità una videò survighjenza accumpagnata da un PC securità adattatu à u nivellu di ssi stallazioni, è, misura maestra di u so prugramma, dà à i pulizzeri municipali flashballs è tasers. Aldilà di ssa prublematica, ssa prisintazioni di prughjettu hà parmissu di dumandà à Sylvain Fanti di chì manera avia vistu i primi sundami, chì, rammintemu la, u mettini à l’ultimu postu cù 1%.
Steti à senta à Sylvain Fanti.
