Municipales 2014 à Bastia : Sylvain Fanti veut croire en ses chances
(A redazzioni d'Alta Frequenza) - A campagna municipali 2014 hà cuminciatu prestu è forti in Bastia, duva novi candidati si sò dighjà dichjarati, nisun partitu avendu fattu un'unioni à partasi di u primu ghjiru, mentri chì i picculi infrasati aspri contr'à avversarii sò dighjà in bocca à certi candidati. Certi altri, micca favuriti, facini a so campagna di manera più discreta è viaghjani à pocu à pocu cù i so militanti i più fidi, luntanu da l'agitazioni ind'è i baroni di a pulitica bastiaccia. Hè u casu di Sylvain Fanti, unu di i primi candidati ad avè ufficializatu i so intensioni. Dissidenti nentru à a diritta bastiaccia, essendu quillu chì hà lanciatu a divisioni di a diritta d'appressu à u candidatu sustinutu da l'UMP è l'UDI Jean Louis Milani, quissu quì t'avarà u so chì fà pà sperà d'avè un postu à u sicondu ghjiru, o essa à u minimu in pusizioni di pudè neguzià cù altri candidati. Sylvain Fanti ci credi malgradu tuttu à tutti i patti, postu ch'ellu privedi una suspresa.
Steti à senta à Sylvain Fanti.
Sur le même sujet
