Municipales 2014 à Bastia : transparence et démocratie priorités de Gilles Simeoni
(A redazzioni d'Alta Frequenza) - Ssu marcuri, Gilles Simeoni hà urganizatu a so ultima cunfarenza di stampa di a campagna municipali in Bastia, pà prisintà u so prughjettu. U candidatu Inseme per Bastia hà insitutu annant'à un puntu in particulari, quillu di a demucrazia è di a trasparenza, a prima di i so priurità s'ellu hè elettu a sera di u 30 di marzu. Gilles Simeoni hà assicuratu di fattu chì a libertà di cuscenza è d'upinioni di l'impiecati di a merria è di a CAB sarà rispittata, è chì criterii à paru è trasparenti sarani missi in piazza ch'ella sia pà l'avanzamentu cà pà u ricrutamentu. Una trasparenza chì sarà dinò chersa pà i marcati publichi è pà l'attribuzioni d'alloghji suciali, Gilles Simeoni vulendu falla finita cù i metudi attuali, micca chjari d'appressu à ellu. L'uccasioni dinò par ellu di riagiscia à l'ultimi attacchi di Jean Zuccarelli contr'à ellu o ancu à u ricusu seccu di François Tatti pà ciò chì tocca un'unioni cù u candidatu PRG-PC.
Steti à senta à Gilles Simeoni.
Sur le même sujet
