Municipales 2014 à Furiani : Jacques Viacava veut faire gagner la droite
(A redazzioni d'Alta Frequenza) - Pà ssi municipali di u 2014 in Corsica, ci sò inghjochi dinò fora di i cità maiò di l’isula. Ancu ind’i cità chjuchi com’è Furiani, duva, dipoi un pezzu, i municipali erini solu una furmalità par via di a parsunalità di u merri di a cumuna dipoi u 1995, François Vendasi. Quissu quì hè statu elettu torna in u 2001 è u 2008 à u primu ghjiru cù un’avanza assai larga ogni volta di pettu à u o i candidati prisitendu si contr’à ellu. Ma par via di prublemi di saluta, François Vendasi, 74 anni, s’hà da ritirà di a vita pulitica, ùn circhendu à buscà si nè un novu mandatu di senatori di Corsica Suprana, nè un novu mandatu di merri. In ssu cuntestu quì, i municipali in Furiani parini essa più aparti, cù trè candidati. Prima, c’hè Michel Simonpietri, direttori di cabinetu di u merri attuali chì t’hà u so sustegnu, par avà micca ufficiali ma chì u duvaria essa da quì à pocu. Contr’à u raprisintanti di a municipalità attuali, dui candidati pruvarani à pighjà a merria è dà li un’antra guvernenza. U primu inde l’ordini alfabeticu, hè Etienne Pefetti, secretariu ghjinirali di a merria da u 1983 à u 2013, senza partitu ma sustinutu da Femu a Corsica è Corsica Libera, u sicondu essendu Jacques Viacava, canidatu UMP, chì avia dighjà pruvatu à vincia ss’alizzioni in u 2008 ma in vanu.
Steti à senta à Jacques Viacava chì volta nant’à u so prugramma piuttostu purtatu nant’à a securità è nant’à u cuntestu puliticu di ss’alizzioni quì.
Sur le même sujet
