Municipales 2014: Aiacciu Cità Nova a présenté sa liste
(A redazzioni d'Alta Frequenza) - Aiacciu Cità Nova hà francatu una tappa nova arisera (ghjovi) ind’a campagna eletturali. Ùn diciaremi micca chì a campagna hà principiatu arimani, i so militanti sò annant’à u tarrenu dipoi parechji sittimani, ma a prisintazioni di a lista cumpletta hè sempri un mumentu assai impurtanti in ssu gennaru di cumpetizioni. Fora di u fattu chì Denis Luciani sighi statu ciacciatu da a lista par raghjoni ch’è no pudemi scopra in altrò, ùn ci hè micca una vera surpresa pà ciò chì tocca a prisintazioni di i 48 nomi chì accumpagnani à José Filippi. Ci hè di sicuru Josepha Giacometti, a cunsighjera tarrituriali Corsica Libera è militanti naziunalisti di u sempri, Jean Battì Rotily Forcioli, Norbert Laredo, Paul Leonetti, Pierre Paoli ma dinò parechji facci novi di a sucità civili. U tempu duva u naziunalisimu era solu una forza di cuntistazioni ùn hè più ! Tuttu pari essa riassuntu nentru à ss’infrasata pà un muvimentu chì si prisenta com’è una vera alternativa à i gistioni di diritta è di manca.
Steti à senta à José Filippi, numaru unu di a lista Aiacciu Cità Nova.
Sur le même sujet
