Municipales 2014 : l'opinion de Jean Zuccarelli à la veille des primaires du PRG bastiais
(A redazzioni d'Alta Frequenza) - Ci sarà dumani (marti) a primaria interna à u Partitu Radicali di Manca bastiacciu pà i municipali di u 2014. Una primaria senza suspense dipoi a dichjarazioni di candidatura di François Tatti à i municipali senza passà pà a primaria, lachendu Jean Zuccarelli com’è scelta unica à i militanti di Bastia è di a so agglumerazioni vicina. Cunniscimi i causi di ssa scelta, François Tatti essendu statu suspesu di u PRG di Corsica Suprana 24 ori dopu. In fin di settimana scorsa, a visita di u cantieru di u carrughju Nabuliò hà fattu spuntà torna l’ambienza pessima trà i dui parti, ognunu rividichendu a paternità di ssu prughjettu, cuncipitu à l’epica chì Emile Zuccarelli, Jean Zuccarelli è François Tatti faciani sempri parti di a listessa squadra. Jean Zuccarelli ferma assai prudenti par via di u so rollu nentru à u PRG di Corsica Suprana. Quissu quì pari lacà quantunqua a porta appinuccia aparta à u candidatu Tatti s'ellu duvia cambià d'avisu infini. Pà ciò chì tocca i pussibilità di una ricustituzioni di l'unioni di a manca bastiaccia, cù malgradu tuttu una pezza impurtanti chì manca inde u puzzle, quissu quì hè più cà cunfidenti.
On écoute Jean Zuccarelli.
Sur le même sujet
