Municipales à Ajaccio : A Manca appelle à voter Corsica Libera
(A redazzioni d'Alta Frequenza) - Municipali in Aiacciu : u partitu A Manca hà publicatu un cumunicatu è chjama à vutà pà Corsica Libera. U muvimentu priciseghja ch'ellu hà fattu tuttu "par aduniscia dipoi un annu i forzi prugressisti è patriottichi in Aiacciu pà l'elaburazioni di un'alternativa cumunali à manca pà daveru". Aghjusta chì "u ricusu surpresa di Simon Renucci, di u PS è di u PCF d'integrà annant'à a so lista una cumpunenti naziunalista, Corsica Libera, hè un attu mancu appena rispunsevuli, chì dimostra azzioni puliticanti di l'anzianu magistratu di a nostra cità. Più prontu à dumandà l'aiutu di parsoni di diritta, ecculu chì ricusa di fattu i dicisioni di u so muvimentu" prima di cuntinuà chì u "PCF è u PS, più primurosi di tena u so numaru d'eletti, cà di batta à prò di una dinamica prugressista pà daveru, participeghjani di manera piena à ss'azzioni "senza cuntinutu puliticu". Da un'antra banda, A Manca dici ch'ella ùn farà nulla "chì pudissi parmetta à a diritta è à a strema diritta di racoglia i frutti avvilanati inghjinnati da l'atti di una manca chì partaria in pappina". Hè cusì chì A Manca chjama à vutà pà Corsica Libera.
Sur le même sujet
