Municipales à Ajaccio: dernière ligne droite avant le premier tour pour Laurent Marcangeli
(A redazzioni d'Alta Frequenza) - Ultima cunfarenza di stampa nanzi à u primu ghjiru di l'alizzioni municipali pà Laurent Marcangeli ssu ghjovi da mani in Aiacciu. U candidatu di diritta, accumpagnatu da una parti di i so cumpagni di lista è i so sustegni, hà vulsutu prisintà i punti maestri di u so prughjettu pà a cità, è què dopu à a seria di cunfarenzi di stampa tematichi principiata parechji mesi fà. Un prughjettu chì s'arremba à trè assi maiò : l'impiecu, l'alloghju è u postu d'Aiacciu nentru à l'insemi di u Mediterraniu. Laurent Marcangeli ùn s'hè micca fattu prigà pà criticà cù forza torna una volta Simon Renucci è u bilanciu di a so squadra ; un'attitudini ch'ellu hà sempri avutu di sicuru in quantu cà uppunenti, duranti tutta campagna annant'à l'insemi di i sughjetti cuncirnendu a cità ma dinò a CAPA. U ghjovanu candidatu dici da un'antra banda ch'ellu dà nisun impurtanza à i sfarenti sundami rializati, com'è l'ultimu par asempiu chì ammenta una disfatta, Laurent Marcangeli essendu cunvintu più cà mai ch'ellu sarà bè u futuru primu magistratu di a cumuna.
Steti à senta à Laurent Marcangeli.
Sur le même sujet
