Municipales à Ajaccio : deux juges ont été nommés pour enquêter sur la fraude présumée
(A redazzioni d'Alta Frequenza) - Mentri chì u tribunali amministrativu di Bastia annunziarà s'è u risultatu di l'alizzioni municipali in Aiacciu hè annulatu o micca stamani (ghjovi, veda altrò), i servizi di u prucuratori di a Republica d'Aiacciu ani dumandatu arisera l'apartura di un'infurmazioni ghjudiziaria. Dui ghjudici spicializati ind'u grandi banditisimu, Hélène Gerhards è Lise Prenel, sò stati scelti pà purtà l'inchiesti difficiuli pà pudè sapè s'è a scuccunaria hè stata rializata pà daveru duranti l'alizzioni municipali d'Aiacciu di u mesi di marzu, è s'ellu hè u casu, com'ella hè stata urganizata quissa quì, è da quali. I ghjudici studiariani par asempiu falsi ducumenti amministrativi è usu di falsi ducumenti, i voti cù prucurazioni è i famosi "850 boni di succorsu" ghjunghjendu da u cunsighju generali avanzati da l'avucata di Simon Renucci è nigati cù forza da Laurent Marcangeli, chì hà dinunziatu "una bugia maiò". I ghjudici duvarani truvà a verità in ssu cartulari ma soprattuttu risponda à a dumanda essenziali : a scruccunaria era urganizata o micca ?
Sur le même sujet
