Municipales à Ajaccio et préconisations du TA : le communiqué de Laurent Marcangeli
(A redazzioni d'Alta Frequenza) - Mentri chì u rapurtadori publicu di u tribunali amministrativu di Bastia hà dumandatu ssu ghjovi l'annulazioni di l'alizzioni municipali in Aiacciu, è chì a dicisioni di u TA sarà cunnisciuta u 23 d'uttrovi, Laurent Marcangeli, diputatu è merri di a cità, hà riagitu in un cumunicatu. Laurent Marcangeli dici par asempiu chì "u rapurtadori publicu hà scartatu di manera chjara l'elementi d'infamia prudutti è mustrati in publicu dipoi sei mesi in parechji cumunicazioni bugiardosi è agressivi. Di fattu, u rapurtadori publicu hà ricusatu a dumanda d'ineligibilità chì mi tuccava com'ellu hà righjittatu u fattu di dumandà a suspensioni subbitu subbitu di l'eletti di u cunsighju municipali ch'e t'aghju l'unori di cumandà". U diputatu è merri d'Aiacciu aghjusta "ch'elli sò stati mandati à caternu dinò l'accusazioni sprupusitati è diffamatorii d'avè cumpratu voti grazia à l'aiutu suciali dipartimintali è i prissioni supposti rializati da i mei pà pudè guadagnà voti". In cunclusioni, Laurent Marcangeli annunzia ch'ellu "voli cuntinuà senza perda a so vulintà a lotta pà difenda (u so) unori è quillu di i (so) cumpagni di lista".
