Municipales à Ajaccio: l'analyse de José Filippi
(A redazzioni d'Alta Frequenza) - Laurent! Gilles! Georges! Hè cù ss'ordini da a cità a più maiò à a menu maiò, i trè nomi chì sò stati cantati in carrughju d'Aiacciu, Bastia è Purtivechju. Trè cità citadelli chì ani vistu i so muri mova duranti ssa campagna eletturali è chì sò falati, in tutti i casi pà dui. In Aiacciu, ùn sò micca solu certi candidati chì voltani à a merria ma bè una maghjurità chì ùn hè micca nova daveru postu chì a diritta hà avutu a casa cumuna duranti dicennii. Simon Renucci, largamenti favuritu ind'i sundami, perdi di pocu, ma perdi quantunqua, 281 voti chì stallani una squadra nova è forsa pà un tempu assai longu. José Filippi duvaria essa u solu naziunalistu à entra ind'u cunsighju municipali, un postu solu chì hà custatu soca a vittoria à a maghjurità. Pirdendu 725 voti trà i dui ghjiri, a prova chì a dimarchja ùn hè micca stata validata da tutti i militanti di l'unioni, José Filippi cunfirmeghja a scelta fatta à partasi di u primu ghjiru: mantena si pà u sicondu.
Steti à senta à José Filippi.
