Municipales à Ajaccio : l'autre voie à gauche
(A redazzioni d'Alta Frequenza) - Campagna eletturali in Aiacciu ! L'affari vani più in furia, ancu s'è i dati di l'alizzioni nova s'alluntaneghjani da l'orizonti chì erani stati annunziati. Hè pussibuli, à u cundiziunali sempri, chì ss'alizzioni sarà urganizata à a fin di ghjinnaghju, principiu di farraghju pà i dui ghjiri di scrutinu. Laurent Marcangeli, a sapemi, è pà pudè falla finita à i vuciati i più scemi pà ciò chì tocca un ricorsu pussibuli, hà dicisu di demissiunà è di vultà u più prestu pussibuli davanti à l'alittori. Una riattività chì li dà un certu cunfortu inde l'azzioni è a pussibilità di lancià assai prestu a so campagna eletturali. François Casasoprana dinò ellu hè in campagna è hà sceltu una strada chì saria urighjinali. Hà ricivutu oghji (vennari) à Michelle Sabban, presidenti di un associu sustinutu da i Nazioni Uniti è chì travaghja à prò di un'ecunumia verdi. Ss'associu s'intaressi più particularmenti à i gaz à effettu serra, ciò chì hà fattu assai piacè à Sauveur Berlinghi ben intesu, un cumpagnu assai vicinu di François Casasoprana com'è parechji altri.
Steti à senta à Sauveur Merlinghi.
Sur le même sujet
