Municipales à Ajaccio: la réaction de Simon Renucci
(A redazzioni d'Alta Frequenza) - Laurent! Gilles! Georges! Hè cù ss'ordini da a cità a più maiò à a menu maiò, i trè nomi chì sò stati cantati in carrughju d'Aiacciu, Bastia è Purtivechju. Trè cità citadelli chì ani vistu i so muri mova duranti ssa campagna eletturali è chì sò falati, in tutti i casi pà dui. In Aiacciu, ùn sò micca solu certi candidati chì voltani à a merria ma bè una maghjurità chì ùn hè micca nova daveru postu chì a diritta hà avutu a casa cumuna duranti dicennii. Simon Renucci, largamenti favuritu ind'i sundami, perdi di pocu, ma perdi quantunqua, 281 voti chì stallani una squadra nova è forsa pà un tempu assai longu. Simon Renucci, duranti una dichjarazioni corta, hà datu u so sintimu dopu à ssa disfatta; d'appressu à ellu, ci duvariani essa seguiti ghjudiziarii à u nivellu di u numaru impurtanti di prucurazioni, forsa più di 2000.
Steti à senta à Simon Renucci.
Sur le même sujet
