Municipales à Ajaccio: Laurent Marcangeli pour une nouvelle gouvernance sociale
(A redazzioni d'Alta Frequenza) - Ùn si parla micca di u "cuntrattu suciali" di Jean Jacques Rousseau, era tempi fà, ma di una guvernenza suciali nova pruposta da Laurent Marcangeli. U diputatu d'Aiacciu, pà a so campagna eletturali di i municipali di u 2014, hà dicisu di prisintà in parechji parti tutti i so pruposti à u nivellu di u rinnovu di a gistioni municipali. S'ellu c'hè un settori duva ellu ci voli à metta in ballu daveru una guvernenza nova, hè bè in materia suciali! Eccu ciò ch'ellu hà cuminciatu à spiecà stamani (luni) Laurent Marcangeli duranti una cunfarenza di stampa. L'azzioni suciali, à parè soiu, si prisenta cù parechji nivelli di cumpetenzi, di Statu, righjunali, dipartimintali è municipali è assai suventi ssi cumpetenzi si toccani, s'intrecciani o peghju. Una guvernenza nova in materia suciali, di cosa si tratta?
Steti à senta a risposta di u diputatu d'Aiacciu.
