Municipales à Ajaccio : Stéphane Sbraggia répond à José Filippi
(A redazzioni d'Alta Frequenza) - Riazzioni putenti stamani (marti) di Femu a Corsica, sizzioni Aiacciu, dopu à i parolli di Laurent Marcangeli, u merri d'Aiacciu. Duranti una cunfarenza di stampa urganizata davanti a casa cumuna, u muvimentu puliticu hà vulsutu manifistà a so indignazioni di pettu à l'accusazioni parziali rilativi à certi prucurazioni. Femu a Corsica Aiacciu stima ch'ellu si tratta "d'uparazioni micca curretti chì t'ani com'è scopu di vulè fà suppurtà ad altri l'uparazioni di scruccunarii missi in avanti da u rapurtadori publicu". A riazzioni di a municipalità d'Aiacciu ùn s'hè micca fatta aspittà, ed hè Stéphane Sbraggia, Laurent Marcangeli era assenti, chì si n'hè occupatu. Sicondu u Prima aghjuntu, c'hè bè statu un errori annant'à a prisintazioni di i cosi. José Filippi hè forsa statu vittima di una cunfusioni urchestrata parchì tutti i pezzi, i prucurazioni à l'urighjini di u ricorsu par asempiu, sò stati prudutti da a lista purtata da Simon Renucci. Ciò chì hè accadutu ùn hè micca colpa nostra, ci dici Stéphane Sbraggia, Prima aghjuntu di u merri d'Aiacciu.
Steti à senta à Stéphane Sbraggia.
Sur le même sujet
