Municipales à Bastia : dernier meeting de campagne pour Eric Simoni
(A redazzioni d'Alta Frequenza) - Ssu ghjovi, ind’a sala pulivalenti di Lupinu, Eric Simoni, candidatu Un’Alba Nova per Bastia, hà urganizatu u so primu meeting di campagna. L’uccasioni par ellu com’è pà i so cumpagni di lista di rammintà certi affari. Prima, a lotta indipendentista ferma à u centru di l’iniziativa di u candidatu Corsica Libera, ancu inde l’alizzioni municipali chì ùn hè micca sempri u tarrenu u più adattatu à a sprissioni di un currenti di pinsati com’è quissu quì. Eppo, a priurità assuluta di u prugramma, vali à dì un ricusu puru è simplici di u prughjettu di u portu di cumerciu ind’a Carbonita, sempri par via di i raghjoni eculogichi, ecunomichi è suciali ch’ellu inghjinnaria quissu quì. Infini, pà ciò chì tocca a campagna, s’è Jean Zuccarelli hè statu toccu senza surpresa parechji volti, una chjama chjara hè stata lanciata à Gilles Simeoni pà un’unioni à u sicondu ghjiru, dicendu à tempu chì u cambiamentu ùn paria micca troppu pussibuli cù François Tatti.
Steti à senta à Eric Simoni.
