Municipales à Bastia: Jean Zuccarelli lance un nouvel appel au rassemblement de la gauche derrière sa liste
(A redazzioni d'Alta Frequenza) - Ssa dumenica, Jean Zuccarelli, cù parechji membri di a so lista, hà urganizatu una cunfarenza di stampa, prima pà u bilanciu di una campagna eletturali chì li cunveni, par asempiu à u nivellu di u cuntattu cù a pupulazioni. Ma ssa cunfarenza di stampa hè stata l’uccasioni di lampà una chjama nova à l’adunita di l’alittori di manca, o cuntenti di u bilanciu di a municipalità attuali, daretu a so lista à partasi di u primu ghjiru. Ùn si tratta più di chjamà di manera diretta à François Tatti, a pussibilità di ss’ultimu pà lià si cù Gilles Simeoni à u sicondu ghjiru hè stata criticata assai, ancu s’è u pesu eletturali di François Tatti pudaria bè essa dicisivu ind’a corsa pà u postu di merri. U filu di Jean Zuccarelli contr’à Gilles Simeoni hè sempri u listessu inveci, postu chì u candidatu PRG-PC hè cunvintu chì una maghjurità di bastiacci « ricusa u naziunalisimu qualsiasi a so virsioni », è chì l’unicu bigliettinu di votu chì vali par « ùn aiutà micca i separatisti » hè quillu di a lista di l’adunita di i demucrati di prugressu ch’ellu porta.
Steti à senta à Jean Zuccarelli.
Sur le même sujet
