Municipales à Bastia : Jean Zuccarelli veut faire barrage au simeonisme
(A redazzioni d'Alta Frequenza) - Attenti à u simeonisimu ! Eccu u mughju lampatu da Jean Zuccarelli à l'alittori bastiacci, ssu luni duranti una cunfarenza di stampa. Rammintendu prima chì, d'appressu à ellu, i sundami dimostrani chì una maghjurità immensa di bastiacci hè d'accunsentu cù u bilanciu di a municipalità attuali aghjustendu l'intenzioni di votu ver di François Tatti è Jean François Baccarelli à i soi, hà incalcatu nant'à rispunsabilità ch'ellu t'avaria u primu citatu in casu di disfatta di a manca. Ma quillu chì hè statu toccu u più hè statu Gilles Simeoni, cù parolli assai forti di u candidatu ma dinò di u so sicondu, Francis Riolacci. Ss'ultimu hà ghjudicatu chì u simeonisimu "si spira di a cullaburazioni cù l'Italia di Mussolini", è ch'ellu hà nutritu a nuzioni "di un populu puru", è "l'arabi fora è francesi fora". Jean Zuccarelli hà aghjustatu un antru affari ghjudichendu chì u simeonisimu "s'arremba à u fattu d'accittà u terrorisimu è u ricusu di a Republica". Una strategia chì faci pinsà à quilla di i sfarenti partiti di manca o ancu di diritta à u nivellu naziunali contr'à a strema diritta, a strategia di a diavulisazioni.
Steti à senta à Jean Zuccarelli.
Sur le même sujet
