Municipales à Bastia : Sylvain Fanti veut donner un nouvel élan à la droite
(A redazzioni d'Alta Frequenza) - I muncipali di u 2014 s'annunziani particularmenti passiunanti in Bastia. Pà pighjà a seguita d'Emile Zuccarelli, ci hè dighjà François Tatti, chì pari essa prontu à cuntinuà ancu s'è u Partitu Radicali di Manca pudaria sceglia piuttostu à Jean Zuccarelli, candidatu ancu dichjaratu ma evidenti, Gilles Simeoni chì in quantu ch'è uppunenti numaru 1 à a maghjurità municipali voli caccià a famighja di manca, è Jean Louis Milani chì hà avutu l'accunsentu di i capizzoni di a diritta in Corsica Suprana. Ma quissu quì ùn sarà micca u solu candidatu à diritta, postu chì Sylvain Fanti, 32 anni, chì t'hà un'intrapresa ind'u settori di i cucini à cumprà, s'era dichjaratu nanzi à l'ufficialisazioni di a candidatura di Jean Louis Milani. Issu membru di a baby class di a diritta corsa com'è Laurent Marcangeli o Jean Martin Mondoloni ch'ellu accumpagna ind'u muvimentu Une Nouvelle Corse, voli svighjà u so muvimentu puliticu appena troppu addurmintatu à parè soiu dipoi parechji anni in Bastia. U so prugramma s'arremba soprattuttu nant'à l'ecunumia, l'impiecu, l'insecurità è u sviluppu durevuli à u sensu largu. Quissu quì dà inveci a rispunsabilità di a divisioni di a diritta in Bastia à Jean Louis Milani.
On écoute Sylvain Fanti.
