Municipales à Biguglia : Sauveur Gandolfi-Scheit candidat à sa propre succession
(A redazzioni d'Alta Frequenza) - S’è cità com’è Bastia o Portivechju chì pudariani veda risultati storichi sò mediatizati à più pudè, i municipali sò dinò in menti à l’abitanti di l’altri cumuni. Zoom annant’à Biguglia, una di i cità i più impurtanti di a periferia bastiaccia à u nivellu ecunomicu è demugraficu. Com’è in u 2008, l’abitanti di ssi lochi cunnosciarani u so merri a sera di u primu ghjiru, postu ch’ellu hè un duellu chì hà da uppona u diputatu merri UMP attuali, Sauveur Gandolfi Scheit, merri di Biguglia dipoi trent’ottu anni, à Stéphane Vesperini, candidatu PS è dighjà leader di l’uppusizioni in u 2008. U candidatu di a municipalità attuali hà prisintatu a so lista, duva sò prisenti cumpagni di u sempri, setti di i so novi primi membri di a lista essendu dighjà prisenti in u 2008 annant’à a so lista, ma dinò novi parsoni com’è Antoine Agostini, anzianu rispunsevuli parlementariu di Sauveur Gandolfi Scheit è direttori di l’urganisazioni è di a securità di u SC Bastia in numaru 7. Risirvendu a prisintazioni di u so prughjettu pà più tardi, u merri attuali metti soprattuttu in evidenza u so bilanciu è ùn si faci micca prigà pà fà falà cutrati contr’à u so avversariu.
Steti à senta à Sauveur Gandolfi Scheit.
Sur le même sujet
