Municipales d'Ajaccio : Corsica Libera sera bel et bien présent
(A redazzioni d'Alta Frequenza) - Aduniti arimani (ghjovi), i militanti di a sizzioni Corsica Libera d’Aiacciu ani dicisu d’essa prisenti à l’alizzioni municipali di ghjinnaghju. Corsica Libera prisintarà a so lista « Aiacciu, Cità Corsa ». A so dimarchja sarà ditagliata duranti una cunfarenza di stampa dumani à 10 ori. In un cumunicatu, Corsica Libera faci cunnoscia a so surpresa di senta « i raprisintanti di Femu a Corsica parlà di rilazioni di cunfidenza, cundizioni indispinsevuli à a cunvergenza strategica nicissaria nentru à u muvimentu naziunali, quandu si sà chì pà ssa pussibilità aviami lampatu una chjama à partasi di u mesi di lugliu à u currenti autunumistu, è chì a nostra dumanda hè firmata senza risposta ». « Aiacciu è a Corsica ùn ani micca bisognu oghji di ghjochi puliticanti è di strategii dubbitosi ma di custruiscia à tutti i nivelli pulitichi, ecunomichi è suciali u prughjettu indispinsevuli pà pudè arrigulà a quistioni naziunali corsa. In ssu filu, Corsica Libera sarà prisenti à l’alizzioni municipali pà pudè purtà u so prughjettu à u serviziu di l’aiaccini, pà fà d’Aiacciu una cità corsa, compii u muvimentu indipendentistu.
Sur le même sujet
