Municipales de 2014 à Bastia : François Tatti candidat à la tête de liste du PRG
(A redazzioni d'Alta Frequenza) - Mentri chì da quì à un annu à l'ingrossu si tinarani l'alizzioni municipali, unu di i capi di a manca bastiaccia veni à metta appena u disturbu. In fatti, François Tatti, ecchisi aghjuntu d'Emile Zuccarelli è oramai elettu tarrituriali, hà annunziatu nant'à i reti suciali avè fattu cunnoscia a so candidatura duranti u cumitatu direttori di u Partitu Radicali di Manca in Bastia, pà essa u leader di a lista di manca à i prossimi municipali. Issa candidatura à a candidatura, ancu puru s'ella era aspittata dipoi chì quissu quì avia fattu sapè a so voghja di veda una primaria citadina urganizata à manca, pighja di cortu u merri attuali di Bastia, uppostu à i primarii è ùn si sà micca s'è iss'ultimu si prisintarà torna pà rinnuvà u so mandatu di merri, Jean Zuccarelli, u so fighjolu, pudendu prisintà si anch'ellu pà pighjà a seguita. Dopu à iss'annunziu, l'affari duvarani nurmalamenti andà più in furia.
Sur le même sujet
