Municipales : François Casasoprana veut donner un souffle nouveau à Ajaccio
(A redazzioni d'Alta Frequenza) - Era statu annunziatu dipoi parechji sittimani ma hè oramai ufficiali dipoi vennari à sera : François Casasoprana purtarà bè una lista pà l’alizzioni municipali d’Aiacciu di l’inguernu chì veni. Nisun surpresa dinò pà ciò chì tocca a custituzioni di ssa lista ; ci ritruvemi parsunalità chì ani accumpagnatu à Simon Renucci duranti un tempu longu, ma chì dipoi u veranu scorsu ani cambiatu appena di strada. Anne Marie Luciani di sicuru, ma dinò Marie Pierre Mousny Pantalacci, Sauveur Merlenghi, Gérard Mari, Marie Josée Joly, eccu calchì nomu à l’azardu à mezu à i 48 candidati chì accumpagnarani à François Casasoprana ind’a so dimarchja. Dà un « fiatu novu » à Aiacciu, ùn si tratta micca solu di una simplici quistioni « ghjiniraziunali », com’ellu a ci dici u leader di a lista « Ajaccio, c’est vous ».
Steti à senta à François Casasoprana.
Sur le même sujet
