Municipales: Jacques Billard veut proposer une autre ambition pour Ajaccio
(A redazzioni d'Alta Frequenza) - À 45 ghjorni di l'alizzioni municipali, cuntinuemi u nostru ghjiru di i candidati in corsa, in Aiacciu par asempiu. Rammintemi chì dui candidati raprisintarani à u mesi di marzu a famighja liberali ind'a cità Impiriali, Laurent Marcangeli, inghjiru à una lista UMP-Une Nouvelle Corse-UDI-CCB, è Jacques Billard, candidatu dittu "divers droite". Ss'ultimu, aghjuntu à u merri d'Aiacciu trà u 1983 è u 2000, è anzianu primu vici presidenti di u Cunsighju Ghjinirali di Corsica Suttana si voli arrimbà à a so sparienza "d'omu di cartulari" pà prupona à l'alittori "un'antra ambizioni" pà a cità. S'ellu faci critichi nant'à certi punti di u bilanciu di a municipalità attuali, ricunnosci malgradu tuttu i cosi boni rializati duranti 13 anni da Simon Renucci è a so squadra.
Steti à senta à Jacques Billard, chì faci cunnoscia a so pusizioni nant'à un tema maiò di a campagna aiaccina, a circulazioni, è chì qualificheghja a lista purtata da Laurent Marcangeli di "ricustituzioni di u RPR".
Sur le même sujet
