Municipales : la campagne d’Aiacciu Cità Corsa bel et bien lancée !
(A redazzioni d'Alta Frequenza) - Sabbatu, Aiacciu Cità Corsa hà prisintatu i 49 nomi di a lista pà i municipali aiaccini di u 25 di ghjinnaghju. Ritruvemi di sicuru à u capu di quissa quì Paul Leonetti, suvitatu da a cunsighjera tarrituriali Corsica Libera, Josepha Giacometti. Militanti naziunalisti di a prim’ora, ma dinò parechji ghjovani cumponini ssa lista induv’elli sò prisenti dinò dui anziani cumpagni di lista di Simon Renucci è naziunalisti d’Aiaccini, vali à dì Jean Paul Carrolaggi à u cinquesimu postu è Véronique Romagnesi à u quatordicesimu. Pà ciò chì tocca i parsunalità, c’hè par asempiu u raprisintanti attuali di l’Ordini di l’Avucati d’Aiacciu Dumè Ferrari in quarantanovesimu, a famosa piazza simbolica. Fà pà daveru d’Aiacciu una cità corsa, cù una visioni nova pà u so sviluppu è a vita di i so abitanti, eccu a brama d’Aiacciu Cità Corsa è di u so leader Paul Leonetti.U stemi à senta.
